Septem Sacramenta

Sacramenta sunt signa efficacia gratiae, a Christo instituta et Ecclesiae commissa, quibus vita divina nobis dispensatur. Septem sunt: Baptismus, Confirmatio, Eucharistia, Paenitentia, Unctio Infirmorum, Ordo et Matrimonium (CCC 1131).

Baptismus — Ianua vitae christianae. Per aquam et Spiritum Sanctum, homo renascitur ad vitam novam, a peccato originali liberatur et membrum Ecclesiae efficitur (CCC 1213-1284).

Confirmatio — Sacramentum quo baptizatus plenius Spiritui Sancto configuratur et fortitudinem accipit ad fidem profitendum et defedendum (CCC 1285-1321).

Eucharistia — Fons et culmen totius vitae christianae. In ea Christus corpus et sanguinem suum sub speciebus panis et vini vere, realiter et substantialiter praesentem reddit (CCC 1322-1419).

Paenitentia et Reconciliatio — Per hoc sacramentum, qui post baptismum peccaverunt, misericordiam Dei obtinent et cum Ecclesia reconciliantur (CCC 1422-1498).

Unctio Infirmorum — Gratiam specialem infirmo praebet ad sanitatem, si Deo placuerit, vel ad dolores patienter ferendos et ad mortem christianam praeparandam. Sanctus Ioseph, patronus bonae mortis, pro agonizantibus intercedit (CCC 1499-1532).

Ordo — Sacramentum quo missio a Christo Apostolis commissa in Ecclesia exerceri pergit per sacram ordinationem episcoporum, presbyterorum et diaconorum (CCC 1536-1600).

Matrimonium — Foedus quo vir et mulier inter se totius vitae consortium constituunt. Sanctus Ioseph et Beata Virgo Maria exemplar sanctissimum vitae coniugalis praebent (CCC 1601-1666).